Anuncios en faroles I

Se vende bicicleta extática

.

¿Qué fumará esa bicicleta?

diálogu (im)posible

-¿Qué-y regaló to ma a to güela por Navidá?
-Un pastilleru.
-Joer, ¿y nun te paez qu'hai meyores maneres d'arreglar les coses col piraván del to hermanu ensin endilga-ylu a la prubina?




[Dalgunos pensaríen que dempués de la euforia inicial yá diba abandonar esti blog, pero ye, como munchos sabréis, esta ciudadana yá nun ta tan desocupada como al entamu. Lo d'ocurrente ye otru cantar, chorraes como esta viénenme cada poco, pero el problema ye saber cuáles van-y fadrán gracia a más xente qu'a mi. Pémeque se tea fraguando un nuevu xéneru lliterariu. Bueno, ¿qué? ¿Faivos gracia? Nun vos oyo reívos...]

Un casu d'asesinatu

Güei nel tren (un tren enllenu estudiantes intentando roba-y minutos a la ruta pa intentar pescanciar providencialmente les tesis de Finley sobre economía nel mundiu antiguu), al volver la cabeza, vi por casualidá que la moza que taba nel asientu de detrás tenía fecho CRUCES DE ROTULADOR VERDE FOSFORITO enriba los párrafos del LLIBRU que nun caíen-y pal esame. Dime la vuelta respirando fondo, esperé a que llegara'l tren, dexé la estación nel sentíu contrariu a ella y acurrucada tres de la primer esquina, ensin perdela de vista, llamé a la policía.