Fai munchos años, la nuestra tutora del ciclu mediu d'EXB (¿sabéis lo que yera eso, yogurinos?)comentó en clase lo que yo llamo agora la paradoxa del contribuyente. Supongo qu'ella nun yera mui consciente de que la so audiencia de diez años nun yera el terrén más fértil p'acoyer esa idea, pero ella semó a voléu y esti comentariu ye testigu de que non too cayó no ermo. La paradoxa ye esta: si tu, como honráu trabayador de los del montón, pagues los tos impuestos relixosamente, tas dando perres pa qu'otros les roben y esbardien (hai que destacar qu'eses pallabres, u otres paecíes, se dixeron na época más caliente de choricéu sociata, cf. casos Roldán, Filesa, etc...); pero si defraudes a Facienda yes un piraván que tas robando a tol mundu, y yes parte del cáncer que nun dexa qu'esti país progrese. Hmmm. ¿Qué facer?
Yo personalmente tengo que dicir que yo declaré con toles de la llei y aun así salióme a devolver 68 euros. ¡Ventayes de ser probe!
P.D. Nun sabéis lo adulta que me siento.
Suscribirse a:
Enviar comentarios (Atom)
1 comentario:
Home, ho, 68 euros dante pa, pa... bueno, pa dalguna cosa seguru. A mi, ya que tamos, tocome facer 4 d'EXG y 5 de primaria, luego la ESO y tal, pero como yeren los primeros cursos, tovía nos dió tiempu a deprender que existíen les tildes y cosuques asina, non como los guajes que me tocó dar clases a mí.
Ví por abaxu lo que decíes de les ingleses y lo de destapase al primer rayu de sol: confirmolo con toes les de la ley. En Inglaterra nun toy tan puesta, pero en Irlanda eses muyeres de dios van tou el añu ensin medies, ye un show veles en minifalda, tacones y sin medies mientras chove como'l día el diluviu.
Un besín y muches gracies por pasate pol mi blog. Prestome!!!
Publicar un comentario