Hala, yá ta, ya-y dixe a l'Alministración que me pue llamar pa dar clase d'asturianu en Secundaria cuando-y venga en gana, que voi; anque previsiblemente nun seya hasta dempués de les próximes oposiciones y pa entós espero yá llevar tiempu dando clase de la llingua de Shakespeare (el mio oficiu seriu).
Ye parajódico (d'estes paradoxes que joden) que los filólogos especialistes en llingua asturiana llevemos tres años comiendo los mocos, ensin topar sitiu en nengún llau, y agora venga too darréu: llista d'interinos y places en servicios municipales de normalización perdayuri (tres en tres meses y dalgunes más por llegar, hopefully).
En fin, becaria fui, personal llaboral soi y pasín a pasín llegaré a ser interina nesta carrera hacia'l cume de la pirámide evolutiva que ye'l funcionariáu, como dixo Milio Rodríguez Cueto.
Y pa quien nun s'enterare tovía hai de plazu hasta la selmana que vien.
Suscribirse a:
Enviar comentarios (Atom)
4 comentarios:
Xenial el blogue, tomo nota pa ponelu nel de mio.
Y de pasu unvíote ondes de bona suerte pa esi cursus honorum que t'espera nel mundu'l funcionariáu!
;)
El tema'l trabayu fía... nun me fales, nun me fales.
Guapu cambéu de look!
Yías el blogue del asturenglish de West Virginia, falas amestáu inglés-asturianu... ¡¡¡Presta!!!
(Yía tou/too cool).
¡Epa!
Munches gracies pol comentariu, valórase’l sofitu ;)
El tema de Cantabria ye delicáu: d’uno, nun desiste una conciencia na xente de qu’esista daqué estremao del castellán, y d’otro, ye cierto que ta tan llueñe del asturianu normativu que ye normal que los pocos que conocen esa realidá llingüística cántabra nun vean la rellación que tien col asturianu. En verdá equí hai muncho que dicir… Porque decir que lo que se fala en Cantabria “ye asturianu” ensin más esplicación ye obviamente escesivamente simplista: yo pondría ehí un par de docenes de maticaciones…
¿Tuvisti nes xornaes “Llabor en tienda”? ¡Qué envidia! Yo quería dir, pero fue imposible porque tenía clases (anque quiciabes tendría sío más granible dir, la verdá).
Y lo de los filólogos qu’echen les manes a la tiesta, qué vamos facer, fía… Pues siguir trabayando y esperar que la prósima xeneración seya una migaya más abierta.
Un saludín, y siguimos lleéndomos!
*matizaciones
Publicar un comentario