Atención: escribo esta entrada cola sola intención d'aforrar en psicoanalista. Interés pa l'audiencia xeneral: baxu tirando a nulu.
Esta última temporada vengo faciendo coses que, miraes en conxuntu y con perspectiva, paez que nun tienen otru fin qu'asemeyame a la que yera yo va diez años (ai, si valiera tamién pa poder meteme nos vaqueros que gastaba daquella, o naquel petu de pana...). Atópome a mi mesma escuchando la música que me prestaba y descubro que me sigue prestando. Vuelvo a dexar el pelo llargo. Entamo coses que me recuerden a los enfotos que podía tener entós. Hasta'l tranlará paez que vuelve a ser como naquel tiempu (más información). Solo me falta volver a ser virxe (yá que tampoco faigo lo contrario, por desgracia).
¿Qué quier dicir esto? ¿Que nun toi a gusto colo que fice na cabera década? Nun me paez. Quiero creer que lo que me pasa ye que nesta época de transiciones que toi pasando quiero recuperar aquella ilusión, aquella gana de facer coses, de viaxar, deprender, conocer xente y pasalo bien que tenía (anque a veces me quedara en casa estudiando tamién, eh, que tampoco yera Amy Winehouse). Y que si me viera aquella me reconociera orguyosa como la so personalidá adulta (con más arte pa la vida y perres).
Y si con dieciséis años colé pa París yo sola dos selmanes, ¿qué se pue poner per delantre agora?
Suscribirse a:
Enviar comentarios (Atom)
4 comentarios:
Nun soi yo mui de blogs (o blogues como paez qu'hai que dicir agora; en fin...) pero por pura casualidá y gracies al de Pablo Texón atopé'l tuyu y pasé un ratín bien prestosu lleéndolo. Y pa colmo siéntome bastante identificau cola última entrada.
En fin, que sepas que ties un llector mas.
Besos dende Xixón.
X.V.
Con comentarios de famosos y too.
Home, lo único que te digo ye que nun vivas como si tuvieres 16, que perehí hai exemplos abondo de xente que vive como si tuviere diez años menos.
Un besu, né.
A.
Nun ta na mal vete coles mismes ilusiones que va años, tolo contrario, nesto del facese mayor, suel perdese hasta la esencia d'un mesmu.
Un besin, guapa
Que prestoso, k guapo ye tener ilusión.
Pero lo de ser virxe jajaj, mira que ye malo pa la salú jajjajaj!!
Llegué dende´l blog de GyG
Un Saludu
Publicar un comentario