Llevo diez años diendo a conciertos de Dixebra, cumpliéronse l'otru día na Folixa na Primavera. Dende entós veríalos en direutu tengo mieu que más de 20 veces: en Mieres, en Uviéu, en Xixón, en Turón, en Carbayín, en Santo Adriano, n'Avilés, en Soto d'Ayer, en La Pola L.lena, en Los Mártires, en Candás... hasta nel Campoamor . Y hai un fenómenu del que tenía gana de dar fe. En realidá ta emparentao con dalgo que yá diz Xune d'hai un tiempu p'acá, enantes de cantar Rapaza nacionaliega. Enantes, la presencia femenina nes files d'alante yera mui escasa. Había que ser atrevida. Yo tengo visto reventar llabios, resgar camisetes, facese moretones, etc... na batalla. Habíalos qu'aprovecharon la ocasión pa vengase discretamente d'enemigos que nin siquiera yeren conscientes de selo. Y anque aprendíes a sacar los coldos y defender el to espaciu, tengo pasáolo mal y visto'l cielu al ser rescatada por dalgún amigu más grande d'aquellos forfugos nos que se convertíen los pogos (menos nel Campoamor, anque intentáremos inventar daquella el pogu de salón). Pero siguíemos entrando al trapu, porque como ellí nun se viven los conciertos en nengún sitiu.
Poco a poco, pémeque que sobre too nos últimos cinco años, fueron allegándose más moces al escenariu (y non precisamente a tira-yos bragues), y el col cambéu demográficu paez que foi camudando tamién el fechu pogueru. Nun sé, ye una percepción personal, igual otra xente lo achaca a que yá nun hai coyones o a que sube la media d'edá ente'l públicu. El casu ye que a mi dame qu'agora hai menos hosties gratuites, menos coldos en punta, menos secueles físiques. Emburriones y ambiente folixariu sigue habiendo, pero agora cabe más xente nél. Camiento qu'habrá quien lo vea como una pérdida de les esencies. Pa mi meyor asina.
Poco a poco, pémeque que sobre too nos últimos cinco años, fueron allegándose más moces al escenariu (y non precisamente a tira-yos bragues), y el col cambéu demográficu paez que foi camudando tamién el fechu pogueru. Nun sé, ye una percepción personal, igual otra xente lo achaca a que yá nun hai coyones o a que sube la media d'edá ente'l públicu. El casu ye que a mi dame qu'agora hai menos hosties gratuites, menos coldos en punta, menos secueles físiques. Emburriones y ambiente folixariu sigue habiendo, pero agora cabe más xente nél. Camiento qu'habrá quien lo vea como una pérdida de les esencies. Pa mi meyor asina.
3 comentarios:
Hasta me tas faciendo pensar!!
Nun tengo tanta historia de pogos "en vivo", pero siempre estreme ente los de "dixebra-conciertu-pola-oficialida" que molen y los de cualquier conciertu de hardcore-emo-violence-ehí-nun-me-meto-ni-a-pañar-billetes-de-500.
La verdá, pensaba que yera la música (el rollu ska, ye más happy) pero, fallu míu, nun se m'ocurriera facer un análisis de xéneru.
Menos mal que pienses en voz alta!!
Odio los pogos porque you sou de los que más enemigos tienen.
Ya amás a min dame pereza poneme a dar saltos ya codazos de manera gratuita.
Por cierto, ¿quién son Dixebra? Cuando toquen por Asturias teo que dir vellos. ¿Paezte que volverán a Asturias dalgún día?
hehehehe! A min tocome unos cunatos años mas de baillar ente los codos nos conciertos de Dixebra. Y tengo que dicir que... Lo de los "pogos" depende del publicu. La xente mas skatalitica bailla con ciertu rollu, los coldos nun se usen pa emburriar, si non mas bien pa sostener al compañeru de prau y pa que nun te piesen. Depues hai xente mas punk, que ye un poco mas burro baillando, dempues hai xente mas oi! esos son piores. Pa mi idea que dependiendo del situ ya'l publico, l'asuntu ponse mas xabaz o menos. Pero creo quu d'un tiempu a esta parte, los pogos son mas violentos qu'enates con un cachu, Non solo nos conciertos de Dixebra.
salú!
http://nomenon.nireblog.com/
Publicar un comentario